26.04.2024ж. Түркістан Индустриалды-құрылыс колледжінің АС9-23-10 тобының студенттері колледждің оқу шеберханасында және келісім-шарт негізінде «Т-BUS» ЖШС мекемесінде өндірістік оқыту шебері Тулебаев Базарбай және әлеуметтік серіктестік мекемеден қабылданған маман Әшірбек Нұрсұлтан Әзімұлының жетекшілігімен аталған топтың білім алушыларына өндірістік іс-тәжірибе өткізуде. Өз біліктіліктер студенттер өз тараптарынан мекеменің үлкен мүмкіншіліктерін көріп, қызығушылықтарын танытып, алдағы уақытта жұмысқа орналасуға талпынуда. Еңбек нарығында үлкен сұранысқа ие мамандықтың қыр-сырымен осы тәжірибе кезінде танысып, өз істерін ұқыптылықпен үйренуде. «Т-BUS» ЖШС-нің өндірістік басшысы Әшірбек Нұрсұлтан Әзімұлы мекемедегі жаңа қондырғылар мен автобекеттің жұмысымен таныстырып қана қоймай, шебер-сынып көрсете отырып, студенттердің өздеріне де жұмыс жасауға мүмкіндік беріп отыр. Олар үшін бұл өндірістік тәжірибе үлкен сабақ болып, алдағы уақытта білікті маман болып қалыптасуларына үлкен бағдар екендігі айқын.
