Жас педагог

Түркістан индустриалды-құрылыс колледж

«Жас маман»  мектебі

2020-2021 оқу жылындағы жас мамандар мектебінің жылдық жұмыс жоспары

Жас мамандардың құрамы

2020 – 2021 оқу жылындағы «Жас маман»  мектебінің отырыстардың жоспары

Түркістан индустриалды – құрылыс колледжі бойынша «Жас маман» мектебі туралы

Е Р Е Ж Е

«Жас маман» мектебінің  ЕРЕЖЕСІ

            «Жас маман» мектебі – колледждің әдістемелік құрылымының бір бөлімі.  Жоғарғы (орта арнаулы) оқу орнын бітірген жас мамандар үшін колледждегі алғашқы 3 жыл тәжірибе жинақтау жылдары болып есептеледі.

            Бұл жылдардың мақсаты: колледж құжаттарымен жұмыс істеуге, теориялық білімді практикада қолдана алуға машықтану және студенттермен тәрбие жұмысын жүргізу біліктіліктерін дамытуға; техникалық құралдарды қолдану мен студенттерді белсендіру әдістерін және озат тәжірибені оқып – үйренуге; жас маманның кәсіби шыңдалуына бағытталады. Бұл үрдіс арнайы ұйымдастырылуы, басқарылуы тиіс.

            Тәжірибе жинақтау жұмысының формалары: тәлімгерлік; семинарлар; жас мамандар апталығы; жеке ақыл – кеңестер т.б.

            Ал оның мазмұны төмендегідей болады:

            Колледж  құжаттарымен жұмыс жасау.

            Оқу – тәрбие жұмысын жоспарлау (перспективалық, ағымдағы)

            Сабақ жоспарларын жасау;

            Тәрбие жұмысының жоспарларын жасау;

            Пән бойынша сабақтан тыс жұмыстар ұйымдастыру (үйірме, топсеруендер, олимпиада, диспут т.б);

            Кабинет жабдықтау мәселесі;

            Көрнекі құралдар жасау, тиімді қолдана алу;

            Студенттердің білімдерін бағалау;

            Ата – аналармен жұмыс түрлері;

            Ашық сабақтар (осы жылдар ішінде кемінде 2-3 сабақ) өткізу; т.б

            «Жас маман» мектебінің мақсаты:

            Жас мамандардың жұмысқа дайындығын анықтау, психология, педагогика, сабақ беру әдістемесі мәселелері бойынша теориялық, ғылыми –әдістемелік деңгейін көтеру, қазіргі педагогикалық технологияларды, оқу жұмысының формалары мен әдістерін оқып үйрену мен меңгеруін ұйымдастыру, жұмысын ұйымдастыруда практикалық көмек көрсету.

            «Жас маман» мектебінің міндеттері:

• Колледж студенттерінің заманауи ғылымның жетістіктерін, прогрессивті техникалар мен технологияларды қолдана отырып, психологиялық-педагогикалық, кәсіби және коммуникативтік құзіреттілігін көтеру;
• Колледж студенттерін оқыту мен тәрбиелеуде сапаны көтеру;
• Колледждің профессорлық-оқытушылар құрамының арасында тәжірибе алмасуды қамтамасыз ету;
• Колледж қызметкерлерінің ұжымына инновациялар туралы ақпарат беру;
• Колледж қызметін жүзеге асыруда ұжымдық рухты қалыптастыру және ұжым мәдениетін дамыту, қолдау;
• Колледждің кәсіптік және әкімшіліктік деңгейін қолдану тиімділігін арттыру;
• Техникалық және кәсіптік білім беру жүйесінде колледж оқытушыларының инновациялық қызметін белсене арттыру;

• Ғылым,техника мен өндірістің алдыңғы қатарлы жетістіктерін оқу үрдісіне енгізе отырып, оқу және тәрбие үрдісін жетілдіруде келешегі зор инновациялық ұсыныстар мен жобалар жасақтау;

• Студент жастарды тәрбиелеуде және оқытуда колледж оқытушыларына көмек беру және қолдауды қамтамасыз ету.

            «Жас маман» мектебінің құрылымы:

            Жас мамандар мектебінің құрамына жаңа оқу жылында жұмысқа қабылданған жоғарғы (орта арнаулы) оқу орнын жаңа бітірген жастар мен еңбек өтілі 3 жылға дейінгі мамандар кіреді.

             «Жас маман» мектебі қызметінің негізгі бағыттары

            1.1. «Жас маман» мектебі қызметін колледж басқарады және ұйымдастырады. Қажет болған жағдайда мектеп жұмысына колледждің тәжірибелі мұғалімдері тәлімгерлер ретінде тартылады;

            1.2. Жас оқытушыға тәлімгер тағайындау;

            1.3. «Жас маман» мектебі әрбір оқу жылына құрылған және директордың оқу және оқу-әдістемелік ісі жөніндегі орынбасары бекіткен жоспар бойынша жұмыс жасайды;

            1.4. «Жас маман» мектебі даму жоспары оқытудың үш жылына есептеліп жасалады, жас мамандардың жұмысындағы нақты мәселелерді шешуге арналған түрлі тақырыптарды қамтиды;

            1.5. Жас маман жұмысының нәтижелерін зерделеу;

            1.6. Жас мамандар жұмысының рейтингісі.